O seguinte libro que imos ler nestes días ata as vacacións de Nadal é Contos de Nadal, de Manuel Rivas con ilustracións de Miguelanxo Prado, dúas persoas que representan o mellor de Galicia, e de fóra, nas súas respectivas artes.
Como xa puidestes ler no apartado “Falan con nós” este libro foinos recomendado pola escritora Rosa Aneiros quen cre que estas “oito historias nos entregan unha imaxe diferente desas festas e nos reconcilian co sabor dunha barra de pan. Os debuxos fermosos de Miguelanxo Prado aduban uns contos escritos coa mestría de Rivas, ese que escribe coa orella nunha buguina e cos dedos retorcendo migallas de fariña”. Xa che contaremos, Rosa.
E a todos vós tamén. Lede este libro canda nós e comentádenos as vosas impresións.
Ningún comentario:
Publicar un comentario