Un mundo que agoniza de Miguel Delibes

3·º e 4ª van ler neste inicio do 2º trimestre o libro Un mundo que agoniza de Miguel Delibes.

Este libro resume o seu discurso de ingreso na Real Academia Española, e nel, envía unha mensaxe ao mundo a través dos seus personaxes de ficción: se o progreso moderno, o da técnica e o consumismo, equivale á destrución da natureza, eles renuncian a ese progreso. Así de sinxelo e contundente.
A través deste libro percibimos que aínda queda moito por facer a nivel medioambiental, que hoxe segue vixente moito do dito polo autor. Pasan os anos pero os problemas seguen aí. Estaremos a tempo de reverter a situación?

Ficha de lectura de Mael, máis alá da Fraga da Cornanda

Por fin, Mael vai participar na recolleita de cereixas como un adulto máis, e iso éncheo de fachenda. Porén, a sombra dunha traxedia inesperada vai empanar a súa alegría. A repentina e misteriosa enfermidade de seus pais, embarca o rapaz nunha viaxe que o levará moi lonxe do seu fogar e da que só un Afouto pode saír con ben. Mael, máis alá da fraga da cornanda, uxía meirama Ilustrado por Miguelanxo Prado IN COGNITA NARRADOR: ……………………….....................……....................................…….......................... PERSONAXES: ·         PRINCIPAIS: ……….............................................................................……………........… ·         SECUNDARIOS: ……………………...............................................................................… TEMPO:………................................................................................................……................……… ESPAZO:…………………….............................................................................................................. LE ANTES DE NADA A DEFINICIÓN DE AFOUTO: AFOUTO, -A: persoa con disposición de espírito que actúa ou acomete calquera empresa sen temor aos perigos ou dificultades. A RELACIÓN DESTE LIBRO CO MEDIO AMBIENTE: NO LIBRO REFLÍCTESE UN XEITO de vida tradicional na aldea, nela a incidencia do home no medio ambiente é mínima: viven da recollida da cereixa por métodos manuais (soben por esqueiras ata o froito, bótano en cestos e un carro pasa a recoller a colleita). Como ves a pegada ecolóxica que deixan é mínima. COMEZA O LIBRO COA DESCRICIÓN de Valdecereixas, cheo de árbores froiteiras. Propoñémosche un xogo; serás quen de dicir o nome das árbores que dan estes froitos? Mazás:                                                                      Noces: Peras:                                                                       Cereixas: Pexegos:                                                                   Figos: Ameixas:                                                                   Castañas: O ESPAZO ESTÁ AMBIENTADO NUNHA FRAGA; pero sabes o que é? No Dicionario da Real Academia Galega  defínese como unha  "extensión de monte, polo xeral illado e de difícil acceso, poboado de distintas especies caducifolias, de herbas, mofos e liques e na que convive así mesmo unha gran diversidade de fauna". A FRAGA É O NOSO BOSQUE AUTÓCTONO e, como vas poder ler no libro,  nel conviven carballos, bidos, fentos, fiúnchos, xestas, brións, liques, hedras, freixos, uces. É cualificada como "frondosa, chea de cantos de paxaros, con mesta vexetación, árbores inmensas e pendías". Está habitada por paxaros, grilos, ras, abellas, moscas, saltóns, xílgaros, rulas, pombos, cabaliños do demo, vagalumes, pintafontes,...                                                     Carballos                                                              Bidos Es quen de traer para futuras reunións un herbario con algunhas destas plantas? VOLVEMOS AO TEMA DA PEGADA ECOLÓXICA: se te decatas, desprázanse andando ou en carro; comen queixo, pan... non usan plástico; non acumulan lixo que non sexa biodegradable. Para a súa viaxe Mael leva consigo pan, queixo, froita, unha cantimplora con auga e unha navalla. Se hoxe tiveses que facer unha viaxe semellante, ou simplemente unha andaina, que levarías ti na mochila? ………………………………………………………………………………………………………………… …………………………….………………………………………………………………………………… …………………………………………………………………………….……….………………………… NA CASA DE SABELA hai unha gran gaiola con paxaros: paporrubios, petos, reiseñores, pardais, pegas e un merlo. Saberías dicir cal deles é cada un dos seguintes?                          .........................................         ..........................................         .............................................                                       ........................................           ........................................           ............................................ DEIXÉMOSCHE IMAXES DE tres animais que axudan a Mael, Merlo e Sil a saír da fraga da Cornanda: cabaliños do demo, vagalumes e pintafontes. Serache moi doado identificalas nas imaxes, pero veremos se es tan hábil para atopar cadanseu sinónimo entre estes: lucecú, píntega e libeliña.   ...................................................   .................................................  .................................................. ...................................................   .................................................  .................................................. FÍXATE COMO DESCRIBE OS PRADOS que hai á saída da fraga: "cheos de flores de todas as colores e tamaños", "milleiros de insectos diferentes chuchando nas flores", "outeiros verdes e vizosos de diferentes tamaños", "herba ben alta", "silvas e pedras que cercan o carreiro". O CARREIRO QUE ATRAVESA O PRADO lévaos ata unha valgada (val pequeno ou tamén parte máis baixa do val, por onde corren as augas naturais da chuvia), descrita como unha "paisaxe rochosa salpicada de árbores e pequenos abertos cubertos de fresca herba, atravesada por un regato de augas cantareiras". No río hai ras, píntegas pintafontes e salamanquesas. E na fervenza, ademais de algas e liques, ras, sapos, tritóns e salamanquesas. Busca unha imaxe daqueles termos que descoñezas e pégaas aquí. No monte Carnot habitan esquíos, cervos e lontras. Se descoñeces algún, busca a súa imaxe en internet e pégaa a continuación. FRONTE A TODA ESTA VIZOSIDADE, está o castelo do Xigante, rodeado de terra negra, sen vexetación, só restos de árbores queimadas, chan cincento, habitado por corvos e voitres e con rabaños de touros, castróns e xabarís. Entendes a antítese entre os dous espazos? Que representa a fraga e que o castelo? ………………………………………………………………………………………………………………… …………………………….………………………………………………………………………………… Por que os únicos animais que por alí campan libres son os corvos e os voitres? ………………………………………………………………………………………………………………… …………………………….………………………………………………………………………………… FRASES OU COUSAS QUE ME CHAMARON A ATENCIÓN: ………………………………………………………………………………………………………………… …………………………….………………………………………………………………………………… …………………………………………………………………………….……….………………………… O PERSONAXE QUE MÁIS ME GUSTOU FOI: ……………………………………………………………………….......................................………… E GUSTOUME PORQUE …………………………………………………………………………....................…………………….… ……………………………………………………………………………………………………………...... O LIBRO EN XERAL GUSTOUME OU NON POR: ………………………………………………………………………………………………………………… ……………………..............................................................................….……………………………… ………….....………………........................................................................................……………........ LENDO ESTE LIBRO APRENDÍN: …………………….............................................................................................................................. ................................………………………………………………………………………….………...…… ………………………………….……………………………………………………………….............…… CAMBIARÍA DO LIBRO: …………………….............................................................................................................................. ................................………………………………………………………………………….………...…… ………………………………….……………………………………………………………….............…… ................................………………………………...………………………………………….………...… A MIÑA PORTADA PERFECTA DESTE LIBRO É A SEGUINTE:

Mael, máis alá da Fraga da Cornanda

O novo título para o alumnado de 1º e 2º é Mael, máis alá da Fraga da Cornanda de Uxía Meirama, con ilustracións de Miguelanxo Prado.

A sombra dunha traxedia vai empañar a ledicia de Mael de conseguir, por fin, participar como un adulto máis na recollida de cereixas. A repentina e misteriosa enfermidade que pon a seus pais ás portas da morte, embarca o neno nunha viaxe que o levará moi lonxe da súa terra, e na que coñecerá os máis fabulosos personaxes que un pode imaxinar. 
É unha novela caracterizada pola fantasía e a aventura, na que se exaltan valores como a amizade, a lealdade ou o amor pola natureza. 
Animais fantásticos, bruxas, augas milagreiras, ogros e xigantes desfilan por estas páxinas nunha constante sucesión de acontecementos marabillosos.
Miguelanxo Prado no labor de ilustrador converte este libro nunha obra irresistible.