Coincidindo coa época de defuntos decidimos empezar lendo contos de medo. Botamos man de dúas obras dirixidas aos nenos e ás nenas, Cuentos de horror para niños de Lovecraft e Cuentos de terror para niños de Poe, case nada. Esperemos que non se nos asusten!
Hoxe fixemos a primeira xuntanza do club de lectura. Xa propomos a primeira lectura e axiña nos reuniremos para entregar os libros. Falta algún membro . Diante de todo as tres coordinadoras de 4º da ESO.
Estamos de volta. Este xoves 13 de outubro celebraremos a primeira xuntanza deste curso. Vémonos todas e todos na biblioteca durante o 2º recreo.
No acto de fin de curso tivemos en conta o club de lectura, e houbo agasallos para todas e todos. Iso si, as nosas tres coordinadoras tiveron premio dobre, pois tamén cadasúa hortensia, a flor que lle dá nome ao noso club! Grazas mozas!
Para ir rematando as actividades do club de lectura, hoxe tivemos unhas horas lúdicas: empezamos vendo a película Nothing Hill e despois tomamos un pincho no patio: zumo de laranxa natural, minipizzas e pastas. Fomos a envexa do resto do instituto!
As tres alunmas coordinadoras do club foron premiadas cunha saída a unha libraría de Sanxenxo na procura de novos títulos de cara ao vindeiro curso. Estaban emocionadas de poder mercar o que lles gustaba. Foi unha mañá produtiva, lúdica e de aprendizaxe. Na foto coa coordinadora do club de lectura, Ana Sueiro, profesora de Xeografía e Historia.
Para commemorar o Día da muller, o club decidiu propor biografías de mulleres que destacaron en diversos ámbitos. Na foto podemos ver a escolla dos libros entre os distintos membros. Cada un leu unha biografía distinta para, na seguinte xuntanza, explicárllela aos demais.
Empezamos este trimestre con Ledicia Costas: o alumnado de 1º lerán Escarlatina mentres que o de 2º e 3º O corazón de Xúpiter de Ledicia Costas. Redes sociais, romance, amizade e, sobre todo, intriga,.... que pasará ao final?
Aproveitamos para agasallar ás alumnas de 3º da ESO cunhas gominolas para agradecerlles o traballo que desenvolven no club. Grazas a Estrela, Rocío e Lara.
