Biografía de Mark Twain

Samuel Langhorne Clemen, verdadeiro nome de Mark Twain, foi un escritor e humorista norteamericano. Naceu nunha aldea de Florida, en Misuri, á que emigraran seus pais para estar preto dun próspero tío seu, John, propietario dunha tenda, unha granxa e uns vinte escravos negros. Aos catro anos, trasladáronse á vila próxima de Hannibal (Misuri), porto fluvial no río Mississippi onde realizou os seus primeiros estudos. Hannibal serviu de inspiración para a vila ficticia de San Petersburgo en As aventuras de Tom Sawyer e As aventuras de Huckleberry Finn. Nesa época, Misuri era un estado escravista e o mozo Twain estaba familiarizado coa escravitude, tema que explorou máis tarde nos seus escritos.

En 1851 comeza a publicar algúns breves relatos de viaxes no Journal de Muscatine, que pertencía ao seu irmán maior Orion. Con este irmán, viaxa por Nova York, Filadelfia e outras cidades. Ao longo da súa vida traballou de mineiro de prata, impresor, buscador de ouro, de piloto dun barco de vapor e de xornalista comezando a firmar co pseudónimo Mark Twain, adoptado dunha expresión típica dos cantos de traballo dos negros nos barcos do río Mississippi, que significa «marca dúas brazas de profundidade», o calado mínimo necesario para a boa navegación.

En 1870 casou con Olivia Langdon, o gran amor da súa vida, a quen chamou Livy. Olivia era filla dun capitalista progresista que axudou a escapar a moitos escravos.

Twain escribiu libros de viaxes, como A tramp abroad (1880) sobre unha excursión aos Alpes e á Selva Negra alemá, e o clásico Vida no Mississippi (1883) (primeira novela escrita a máquina), que se centra na súa infancia e xuventude. As súas obras mestras son dous libros, en parte autobiográficos: As aventuras de Tom Sawyer (1876), As aventuras de Huckleberry Finn (1884), nos que conta unhas aventuras cheas de vida que se desenvolven nun pequeno poboado nas marxes do Mississippi.

A desgraza cebouse na súa familia. A súa filla maior, Susy, morreu de meninxite, Livy quedou inválida e outro fillo morreu por un descoido seu, como dolorosamente conta na súa Autobiografía. Debido aos apuros económicos, o escritor sumiuse no pesimismo e na misantropía.

Fixo unha esgotadora viaxe coa súa muller por Sudáfrica, Calcuta, Australia e Nova Zelanda dando conferencias, e quedaron a vivir en Nova York. A súa muller morreu en Florencia en 1904 e seis anos despois morreu subitamente a súa filla. Deste golpe apenas se recuperou e morreu catro meses despois, o 21 de abril de 1910, en Redding, Connecticut. Só sobreviviu unha das súas fillas. A súa chegada ao mundo coincidiu co paso do cometa Halley, e coñecendo a próxima visita do mesmo, Mark Twain profetizou a súa morte coincidindo coa súa aparición, equivocouse por un día. Foi recoñecido mundialmente durante os últimos anos da súa vida e recibiu, entre outros, o doutorado honoris causa pola Universidade de Oxford (Reino Unido), en 1907.

Entre outras as súas obras pódense citar:

§ A célebre ra saltadora do condado de Caveiras (1865)

§ Contos humorísticos orixinais de Mark Twain (1872)

§ A idade dourada (1872)

§ Relatos curtos (1874)

§ Unha excursión tranquila (1878)

§ Unha aventura curiosa (1881)

§ Príncipe e mendigo (1882), novela histórica.

§ O roubo do elefante branco (1882)

§ Un ianqui na corte do Rei Artur (1889.

§ Narracións humorísticas (1892)

§ O billete dun millón de libras esterlinas (1893)

§ Tom Sawyer a través do mundo (1894)

§ Tom Sawyer detective (1897)

§ Dous detectives ante un barril (1902)

§ Conto dun can (1904)

...e moitas máis.

As aventuras de Tom Sawyer

Este foi a libro elixido neste terceiro trimestre para ler no club de lectura. Divertido, cheo de aventuras, intriga, emoción, medo e risas! Vaia, que o ten todo.
O seu autor é Mark Twain, un vello coñecido deste club de lectura.
Cóntanos as aventuras deTom, un neno que vive na beira do río Mississippi, no sur dos Estados Unidos, coa súa tía Polly e o seu medio irmán Sid. A historia está ambientada na ficticia cidade de San Petersburgo, inspirada na cidade natal do autor, Hannibal en Missouri.

O hobbit, J.R.R. Tolkien

Ola hortensianos: empezamos unha nova lectura. Volvemos a un vello coñecido noso, Tolkien, cunha obra á que volvemos de cando en vez, O hobbit. Bilbo Bulseiro é un hobbit ao que lle gusta a vida cómodo e tranquila do se burato-hobbit. Pero cando máis tranquilo estaba a piques de tomar o té empeza a recibir visitas inesperadas de ananos. O vello mago Gandalf xogáralle unha boa meténdoo nunha viaxe inesperada e espertando nel o espírito aventureiro dos seus devanceiros. Un anel, un dragón, un tesouro, arañas, elfos, barrís que baixan polo río cheos de... Lede, lede, xa veredes!!!!

Biografía de Suso de Toro

O escritor Suso de Toro (Xesús Miguel de Toro Santos) naceu en Santiago de Compostela no ano 1956. Licenciouse en Arte Moderna e Contemporánea, pero tamén é coñecido como guionista de televisión e colaborador tanto na prensa coma na radio. Publicou máis de veinte libros en galego de narrativa, teatro e ensaio. Entre as súas novelas destaca Trece badaladas, pola que recibiu o Premio Nacional de Narrativa no ano 2003 e que foi levada ao cine. A súa obra está traducida a varios idiomas e foi obxecto de estudo en diversas universidades europeas. Seu irmán, Xelís de Toro, tamén é escritor. En abril de 2010 anunciou a súa retirada como escritor profesional, retomando a súa carreira de profesor de lingua e literatura galega de secundaria. Recoñecidas obras súas son, entre outras: Caixón desastre, Polaroid (Premio da Crítica de narrativa galega), Land Rover, Ambulancia, Tic-tac (Premio da Crítica de narrativa galega), A sombra cazadora , Conta saldada, Unha rosa é unha rosa, Calzados Lola (Premio Blanco Amor), Trece badaladas (Premio Nacional de Narrativa), Morgún, Home sen nome, Sete palabras Tamén ten obra xornalística e de ensaio, como: O pais da brétema (Unha viaxe no tempo pola cultura celta), A carreira do salmón ou Outra Galiza. Dúas das súas obras foron levadas ao cine, trátase de Trece badaladas de Xavier Villaverde e Polaroid. Nada pola mañá de Chema Montero. Se queredes botarlle unha ollada ao seu blog, aínda que xa o deu por rematado, podedes facelo no seguinte enlace:

Servicio de urxencias

O club de lectura quere rirse a esgalla, por iso imos ler Servicio de urxencias de Suso de Toro neste comezo de trimestre. Como di a contraportada do libro "O humor é unha forma de encaixar a dureza das nosas vidas (...), e por iso encerra o contrasentido de facernos rir das cousas que deben movernos a compaixón." O libro métenos de cheo nun servicio de urxencias hospitalarias, e convivimos coas doutoras Chus Nespereira e Encarna Silva, co novo médico residente Paulino Pereira e co "arranxatodo" Cipriano.

Un pequeno fragmento visual

Enid Blyton

Enid Mary Blyton naceu 11 de agosto de 1897 en East Dulwich,Londres, Inglaterra e morreu o 28 de novembro de 1968 en Londres. Foi unha prolífica escritora de literatura infantil de máis de 600 novelas. Estaba moi unida a seu pai, polo que lle afectou moito que abandonase a súa nai, para irse a vivir con outra muller. Adoraba o deporte e a literatura e desprezaba as matemáticas. Tocaba o piano, pero deixouno para formarse como profesora. Tras a Primeira Guerra Mundial, publicou o seu primeiro libro poético, Murmurios de neno. Casou con Hugh Alexander Pollock, un heroe de guerra que traballaba como editor o 28 de agosto de 1924.Tiveron dúas fillas: Gillian Mary e Imogen Mary. O matrimonio comezou a distanciarse, e Enid tivo breves romances. Ademais, debido á segunda guerra mundial, o seu marido reincorporouse ao exército, polo que apenas se vían. Cando foi ferido durante unhas manobras, Enid non o visitou. Logo de divorciarse casa cun cirurxián, Kenneth, e prohibiulle ao anterior home que tivese contacto coas fillas de ambos. Non anos seguintes Enid publicou as súas novelas máis célebres e, tras a morte do segundo marido, a saúde da escritora degradouse moi rapidamente; morreu no ano 1968. A súa filla menor, Imogen, publicou en 1989 una autobiografía sobre a súa infancia, onde describía a súa nai como unha persoa emocionalmente inmadura, sen embargo a súa filla maior Gillian, sempre a defendeu. En 2009 la BBC realizou unha película baseada na vida de Enid Blyton con Helena Bonham Carter como protagonista. A súa obra literaria, centrada no mundo preadolescente, caracterízase sobre todo polo recurso a pandas formadas por varios nenos que actúan polo xeral á marxe dos adultos do lugar, con frecuencia como detectives; tamén realizou series moi populares sobre centros educativos femininos en réxime de internado. Os seus libros tiveron gran éxito en moitos países, e foron traducidos a uns noventa idiomas. É o quinto autor máis popular do mundo, con máis de 3.300 traducións das súas obras e máis de 400 millóns de copias vendidas. Entre as súas creacións máis famosas están Noddy, un homiño de madeira que vive nunha diminuta casa no mundo imaxinario de Toyland, e a serie de 21 novelas de Os cinco famosos publicada entre 1942 y 1963, protagonizada polos irmáns adolescentes Julian, Dick e Anne; a súa curmá Georgina e o can desta, Tim, que fan de detectives en historias que combinan o misterio e a aventura.